بعد موجة الانتقادات التي طالت أغنية "غول" لميريام كلينك وجاد خليفة، والقرار الرسمي بمنع عرض الأغنية وتغريم المخالفين، هكذا علق بعض النجوم على هذه الأغنية.
البداية مع الفنان راغب علامة الذي قال:" تحركت الدولة والقضاء ونشرات الاخبار ضد أغنية كلينك! يا جماعة روحوا تحركوا ضد اللي سرقوا الوطن والشعب ودمّروا البيئة والإقتصاد والكهرباء و.. هيدا ما بيمنع بأن الأغنية مش مقبولة اخلاقياً ويقتضي منعها ومنع أغاني تشبهها.لكن الحجم الأعلامي للموضوع مش مقبول خصوصاً في هذا الوقت".
من جهته قال هشام حداد :" وزير الاعلام و وزير العدل بدن يوقفو فيديو كليب عن السوشال ميديا ؟!!!! هههههههههههههههههههههههههههههههههههه رح موت من الضحك !!".
الممثلة نادين نسيب نجيم قالت:" انا مني غايبة عن يلي عم بصير بالبلد بس لن أعطي شرف ذَكِر من ليس له شرف ولن أعطي قيمة لمن ليس له قيمة مهما كان الموضوع مستفز لا تتداول القرف".
الفنان جو رعد قال:" لما بلشت الفن كتار لاموني واعتمدوا على احكام سابقة. بطلب اليوم يراجعوا اغانيي وكليباتي ليعرفوا اديه ظلموني لاني بعمري ما قدمت شي بيخدش الحيا. يمكن اثرت الانتقادات باسلوبي الغريب بتيابي بس ولا بعمري اطلقت تصريح مخل بالاداب انا ابن عيلة محافظة امي حجة واختي محجبة وتربينا عالاخلاق. عم بحكي هيك اليوم بعد ما شفت عمل ساقط عاهر خلاني اسأل حالي هيدا هو الفن اللي ضحيت كتير حتى يكون الي بصمة فيه؟هيدا مش فن هيدي دعارة وعهر. صار لازم الدولة اللبنانية تتحرك لضبط الدعارة المقنعة تحت ستار الفن ولأي حدا بيقول جو رعد عم يحكي هيك بقلو طلعلي شي عملتو بفني اساء للاخلاق".
